Cagayan – Arestado ang 31-anyos na lalaki sa ipinatupad ng Search Warrant ng Cagayano Cops at nasamsam mula rito ang baril at mga bala sa Barangay Imurung, Baggao, Cagayan, nitong ika-26 ng Oktubre 2023
Kinilala ni Police Major Ronald M Balod, Hepe ng Baggao Police Station, ang naarestong suspek na si alyas Romeo, may asawa, construction worker at residente ng nabanggit na lugar.
Nakumpiska sa pangangalaga ng suspek ang isang (1) Homemade caliber .38 revolver at anim (6) na 12-gauge live ammunition.
Si alyas Romeo ay mahaharap sa kasong paglabag sa RA 10591 o Comprehensive Firearms and Ammunition Regulation Act.
Pinuri naman ni Police Colonel Julio Gorospe, Provincial Director ng Cagayan Police Provincial Office, ang mga kapulisan ng Baggao PS sa matagumpay na operasyon.
Mahigpit ang isinasagawang paalala ng Pambansang Pulisya sa mga gun owners na ugaliing iparehistro ang kanilang mga baril. Kaugnay nito, umiiral pa rin ang gun ban sa bansa na nagsimula noong August 28 at magtatagal hanggang November 29, 2023.
Source: Cagayan Police Provincial Office
