San Fernando, Romblon – Nagsagawa ng Tree Planting Activity ang mga tauhan ng San Fernando PNP sa Brgy. Panangcalan, San Fernando, Romblon nito lamang Biyernes, Hunyo 24, 2022.
Ayon kay Police Lieutenant Jeaneth Binasoy, Officer-in-Charge ng San Fernando MPS, may kabuuang 300 punla ng narra ang naitanim ng grupo sa nasabing barangay.
Kabilang sa nakilahok ang mga tauhan ng Provincial Mobile Force Company 3rd Maneuver Platoon, Bureau of Fire Protection, Municipal Disaster Risk Reduction Management Council Office, Kaligkasan Advocacy Support Group, Kabataan Kontra Droga at Terorismo at ang mga Tau Gamma Phi. Campalingo Community Chapter.
Layunin ng aktibidad na itaas ang kamalayan sa lipunan sa kahalagahan ng pagtatanim at pag-iingat ng mga puno, ipahayag ang ating pagmamalasakit sa kapaligiran, pagsagip sa kagubatan at maibsan ang Climate Change na nagreresulta ng kalamidad, pagguho ng lupa at pagbaha.
Hinihikayat ng PNP ang komunidad na patuloy na makiisa at makilahok sa mga programang ilulunsad ng pamahalaan upang mapanatili ang kagandahan at kasaganahan ng likas na yaman sa bansa.
Source: San Fernando MPS
###
Panulat ni Patrolman Erwin Calaus
