Puerto Princesa City – Nagsagawa ng Tree Planting Activity ang mga tauhan ng 4th Platoon, Puerto Princesa City Mobile Force Company sa Buenavista National High School, Brgy. Buenavista, Puerto Princesa City noong Oktubre 1, 2022.
Ayon kay Police Lieutenant Dennis Dimaya, Platoon Leader ng 4th Platoon, PPCMFC umabot sa 300 na narra at ipil na punla ang naitanim ng mga grupo sa nasabing barangay.
Kabilang sa nakilahok ang Last Frontier Grand Eagles Club, mga mag-aaral ng Buenavista National High School kasama ang kanilang mga magulang.
Layunin ng aktibidad na magbigay ng kamalayan sa publiko sa kahalagahan ng pagtatanim para sa pagsasaayos ng kalikasan at pagpapanatili ng kagandahan ng kapaligiran.
Source: Puerto Princesa City Mobile Force Company
Panulat ni Patrolman Erwin Calaus
