Taguig City — Timbog ang tatlong suspek matapos mahulihan ng tinatayang Php102,000 halaga ng shabu ng mga tauhan ng Drug Enforcement Unit ng Southern Police District nito lamang Miyerkules, Mayo 17, 2023.
Kinilala ni PBGen Kirby John Kraft, District Director ng SPD, ang mga suspek na sina alyas “Rolly”, 52; alyas “Renz”, 18; at alyas “Carl Lorenz”, 21.
Ayon kay PBGen Kraft, naganap ang buy-bust operation bandang 7:00 ng gabi sa Maestrang Pinang Street, Barangay Ligid-Tipas, Taguig City na nagresulta sa pagkakaaresto ng mga nasabing suspek.
Nakuha mula sa mga suspek ang pitong heat-sealed transparent plastic sachet na naglalaman ng hinihinalang shabu at humigit kumulang 15 gramo ang bigat na may estimated Standard Drug Price na Php102,000, blue coin purse, at Php500 na ginamit bilang buy-bust money.
Reklamong paglabag sa Seksyon 5 at 11, Art II ng RA 9165 o Comprehensive Dangerous Drugs Act of 2002 ang kahaharapin ng tatlo.
Tiniyak ni PBGen Kraft na makakaasa ang publiko sa patuloy na pagpapaigting ng SPD sa mga kampanya laban sa ilegal na droga upang gawing mas ligtas at drug free ang bawat komunidad.
Source: SPD PIO
Panulat ni PSSg Remelin M Gargantos
