Arestado ang tatlong suspek sa ilegal na pagbebenta ng Bacoor stickers na nagkakahalaga ng Php1,400,000 sa ikinasang operasyon ng Bacoor PNP sa Bacoor City, Cavite noong ika-30 ng Marso 2024.
Sa isinagawang entrapment operation ng Bacoor Component City Police Station katuwang ang Lokal na Pamahalaan ng Bacoor City, Cavite, nasamsam mula sa tatlong indibidwal ang Solidarity Route Stickers, Las Piñas Friendship Route Stickers, at Private Subdivision Stickers.
Kinilala ni Police Lieutenant Colonel John Paolo V Carracedo, hepe ng Bacoor Component City Police Station, ang mga suspek na si alyas “Jos”, residente ng Barangay Talon V Moonwalk, Las Piñas City, at alyas “Lar” at “Oni”, parehong residente ng Bacoor City, Cavite.
Kabilang rin sa nakumpiska ang Php1,500 na pera ng entrapment; 570 piraso ng Strike Solidarity Route Stickers na nagkakahalaga ng Php285,000; limang roll ng 520 piraso ng Strike Solidarity Route Stickers na nagkakahalaga ng Php156,000; 296 piraso ng PV HAI Stickers na nagkakahalaga ng Php134,000; 1,290 piraso ng Las Piñas Friendship Route Stickers na nagkakahalaga ng Php644,500; 145 piraso ng BF RV Stickers na nagkakahalaga ng Php72,500; 240 piraso ng BFFHAI Stickers na may halagang Php120,000; tatlong cellphone; at isang dilaw na Yamaha Mio Sporty Motorcycle.
Ang mga suspek ay kasalukuyang nahaharap sa kasong Falsification of Public Documents, City Ordinance 255-2023 (Solidarity Sticker), at Republic Act 7394 o ang “Consumer Act of the Philippines”.
Sa tulong ng iba’t ibang ahensya ng gonyerno, sinisiguro ng Bacoor PNP na bawat aksyon na kanilang ginagawa ay sumasalamin sa kanilang pangako na magtatag ng isang mapayapa at ligtas na bansa na malaya sa anumang krimen, tungo sa isang progresibong Bagong Pilipinas.
Source: Bacoor Component City Police Station
Panulat ni Patrolwoman Angelica Rica S Teng
