Sultan Kudarat – Boluntaryong sumuko ang tatlong miyembro ng Communist NPA Terrorists (CNTs) sa pamahalaan sa Sitio Spur 2, Brgy. Titulok, Bagumbayan, Sultan Kudarat noong Ika-14 ng Hunyo 2022.
Kinilala ang mga dating miyembro ng CNTs na sina alyas “Kid/Kidlat”, alyas “Jan Heart” at si “Kulot” pawang residente ng Barangay Bai Sarapinang, Bagumbayan, Sultan Kudarat.
Ayon sa ulat, sila ay dating miyembro ng Guerilla Front DAGUMA, Far South Mindanao Region (FSMR) sa bayan ng Bagumbayan, Sultan Kudarat.
Napasuko ang tatlong FR sa pinagsanib na puwersa ng Bagumbayan MPS, 1202nd Maneuver Company, Regional Mobile Force Battalion 12; Tracker Team Charlie and Delta, RID 12; RIU 42nd, 43rd SAC, 4SAB; at PIB Sultan Kudarat Provincial Police Office.
Hinihikayat naman ng PNP ang mga pinuno, aktibong miyembro at tagasuporta ng mga teroristang grupo na bumalik sa saklaw ng batas at gamitin ang mga programang iniaalok ng gobyerno tulad ng Enhanced Comprehensive Local Integration Program o (E-CLIP) na daan sa pagbalik nila sa lipunan.
###
Panulat ni Patrolman Khnerwin Jay Medelin
