Sultan Kudarat – Sumuko ang tatlong Communist Terrorist Group sa kapulisan ng Palimbang Municipal Police Station sa Barangay Poblacion, Palimbang, Sultan Kudarat, nito lamang ika-14 ng Hulyo 2023.
Ayon kay PBGen Jimili Macaraeg, Regional Director ng Police Regional Office 12, ang dalawang babae na sumuko ay dating miyembro ng komunistang grupo mula sa Baghdad Platoon, Southern Regional Command Daguma, Far South Mindanao Region. Habang ang isang lalaki naman ay mula sa CO Telego Platoon GF 73 West Daguma FSMR.
Itinurn-over nila sa kapulisan ang dalawang yunit ng Homemade Cal. 38 revolver, isang 12 Gauge homemade rifle, at mga bala.
Nanawagan naman si PBGen Macaraeg sa natitirang communist terrorist na magbalik-loob na sa gobyerno at samantalahin ang Enhanced Comprehensive Local Integration Program (E-CLIP) para sa kanilang pagbabago.
Panulat ni Patrolman Khnerwin Jay A Medelin
