Sultan Kudarat – Arestado ang magkakapatid na lalaki sa kasong rape sa magkahiwalay na operasyon ng Sultan Kudarat PNP sa bayan ng Kalamansig at Senator Ninoy Aquino, Sultan Kudarat nito lamang ika-3 ng Nobyembre 2022.
Ayon kay Police Major Rodney Binoya, Chief of Police ng Senator Ninoy Aquino Municipal Police Station, unang nadakip sa bisa ng Warrant of Arrest ang isang suspek na tinaguriang Top 1 Municipal Most Wanted Person sa kasong 6 counts of rape na si Alyas “Rico”.
Matapos na maaresto, sunod namang nadakip ang dalawang kapatid nito na sina alyas “Rey” at si Alyas “Roland” sa kasong 2 Counts of Rape at tinaguriang Top 2 Municipal Most Wanted Person.
Ayon pa kay PMaj Binoya, naging maayos at matagumpay ang pagkakadakip sa mga magkakapatid na suspek sa pagtutulungan ng kapulisan sa pangunguna ng Senator Ninoy Aquino MPS, katuwang ang 1202nd Maneuver Company Regional Mobile Force Battalion 12, Regional Intelligence Division 12 Tracker team Delta at iba pang mga operatiba ng Police Regional Office 12.
Binigyang papuri naman ni Police Brigadier General Jimili Macaraeg, PRO 12 Regional Director ang mga operatiba sa patuloy na paghahanap at pagtugis sa mga taong may pananagutan sa batas upang mabigyang hustisya ang kanilang mga biktima, alinsunod sa programa ng Pambansang Pulisya na MKK=K na naglalayong mapanatili ang kaayusan at kapayapaan tungo sa kaunlaran ng ating bansa.
Source: Senator Ninoy Aquino Municipal Police Station PRO 12
Panulat ni Patrolman Khnerwin Jay A Medelin
