Kalamansig, Sultan Kudarat – Arestado ang tatlong indibidwal sa isinagawang Intensified Anti-illegal Gambling operation ng Kalamansig PNP sa Purok Waling-Waling, Brgy. Sta. Clara, Kalamansig, Sultan Kudarat nito lamang Biyernes, Abril 22, 2022
Kinilala ni PMaj Heilbron Okoren, Officer-in-Charge ng Kalamansig MPS, ang mga suspek na sina Victor Capote, 65, may asawa, isang Brgy. Kagawad; Mailyn Abay, 38, may asawa, Brgy. Kagawad at si Almansa Mamadra, 51, may asawa, isang mangingisda at kapwa mga residente ng nasabing bayan.
Ayon kay PMaj Okoren, isinagawa ng Kalamansig PNP ang nasabing operasyon bandang alas-3 ng hapon sa mga pasyalan at tambayan ng nasabing barangay kung saan nahuli sa aktong paglalaro ng baraha o “tong-its” ang tatlo.
Narekober mula sa mga suspek ang isang set ng baraha at perang ginamit bilang pusta na nagkakahalaga ng mahigit Php4,000.
Muling nagpapaalala ang Kalamansig PNP na tuluyan ng iwanan ang anumang uri ng ilegal na gawain at hinihikayat ang lahat na maging maingat at sundin ang mga batas.
###
Panulat ni Patrolman Gio Batungbacal
