Tuguegarao City, Cagayan – Naglunsad ang Cagayan PNP ng 3-Day Refresher Seminar on Special Weapon and Armed Tactics sa isang programang naganap nitong Miyerkules, Setyembre 28, 2022 sa Camp Tirso Gador, Tuguegarao City, Cagayan.
Pinangunahan ang aktibidad ni Police Colonel Julio S Gorospe, Officer-In-charge ng Cagayan Police Provincial Office at dinaluhan ng mga Police Commissioned Officers, Police Non-Commissioned Officers, at Non-Uniformed Personnel ng Cagayan.
Layunin ng programa na mapalawig ang kaalaman, mahasa ang kakayahan, at mapalakas ang pwersa ng SWAT Team upang magampanan ang kanilang tungkulin na maghatid ng dekalidad at sagarang serbisyo sa kanilang nasasakupan.
Sa kabuuan,16 na miyembro ng Cagayano Cops SWAT Team ang sasalang sa naturang pagsasanay.
Samantala, sa kanyang mensahe, sinabi ni PCol Gorospe na nararapat lamang na magpalakas at sumailalim sa mga training ang kapulisan para sa maayos na pagganap ng kanilang sinumpaang tungkulin sa bayan.
Source: Cagayan Police Provincial Office
Panulat ni Police Staff Sergeant Mary Joy D Reyes
