Nagsagawa ng Barangay Peace Action Teams (BPATs) 3-Day Enhancement Seminar ang mga tauhan ng Regional Police Community Affairs and Development Unit (RPCADU) BAR na ginanap sa Barangay Bato-Bato, Panglima Sugala, Tawi-Tawi noong ika-24-26 ng Oktubre 2024.
Pinangunahan ni Police Colonel Jaime N Barredo, Chief, RPCADU BAR, ang naturang aktibidad na siya ring naging pangunahing tagpagturo katuwang ang mga tauhan ng Bureau of Fire Protection na namahagi naman ng mga kalaaman tungkol sa search and rescue operation.
Dinaluhan din ng ibang opisyales ng barangay ang naturang aktibidad kasama si Police Lieutenant Rafael Angelo L Lago, Officer-In-Charge ng Panglima Sugala Municipal Police Station.
Sumailalim sa 2 days lecture ang Barangay Peace Keeping Action Teams ng 17 Barangay na sakop ng Panglima Sugala, Tawi-Tawi, at isang araw naman para sa practical exercises tulad ng 7 strike of arnis at rescue operation.
Nakatanggap din ng sertipiko ang bawat miyembro bilang gantimpala sa kanilang aktibong partisipasyon.
Ang buong hanay ng PRO BAR partikular ang mga personahe ng RPCADU BAR ay patuloy na maghahatid ng kaalaman, suportahan ang pagsulong sa kapayapaan, labanan ang mga karahasan, at mga inisyatibo sa pagpapanatili at pagkamit ng ligtas at maunlad na barangay.
Panulat ni Patrolwoman Veronica Laggui
