Agusan del Sur – Boluntaryong sumuko ang tatlong miyembro ng Communist Terrorist Group (CTG) sa 1st Agusan del Sur Provincial Mobile Force Company sa Brgy. Don Alejandro, San Luis, Agusan del Sur nito lamang Lunes, Enero 23, 2023.
Kinilala ni Police Lieutenant Colonel Nelson Nelmida, Force Commander ng Agusan del Sur Provincial Mobile Force Company ang mga nagbalik-loob na sina alyas “Sayon”, 30, dating team leader ng Team Baking, Squad 1, Platoon Sagay, Sub-Regional Sentro De Grabidad, Sub-Regional Committee 3, North Central Mindanao Regional Committee (NCMRC); alyas “Lawug”, 42 at alyas “Masagang”, 45, na parehong kabilang sa NPA in the Barrio sa ilalim ng Dismantled Guerilla Front 88, NCMRC at pawang mga residente ng San Luis, Agusan del Sur.
Ayon kay PLtCol Nelmida, bandang 5:45 ng hapon nang makatanggap ng impormasyon ang Intel Operatives ng 1st Agusan del Sur PMFC mula sa isang Barangay Information/Intelligence Network (BIN) patungkol sa boluntaryong pagsuko ng tatlong CTGs.
Agad itong kinumpirma ng 1st Agusan del Sur PMFC katuwang ang Special Weapons and Tactics (SWAT) kung saan naging positibo ang nasabing impormasyon.
Kasama sa mga isinuko ang isang caliber .45 pistol mula kay Sayon; isang caliber .357 revolver na isinuko ni Lawug; at isang caliber .38 revolver kay Masagang.
Patuloy ang panghihikayat ng PNP sa iba pang miyembro ng CTG na magbalik-loob na sa gobyerno, umuwi at bigyang pagkakataong makapiling ang kanilang mga mahal sa buhay.
Panulat ni Patrolman Jhunel Cadapan/RPCADU13
