Northern Samar – Nagbalik-loob sa gobyerno ang tatlong miyembro ng Communist Terrorist Group (CTG) sa 803rd Maneuver Company Headquarters, Sitio Balud, Brgy. Imelda, Mondragon, Northern Samar nito lamang Mayo 15, 2023.
Kinilala ni Police Captain Solomon Agayso, Officer-In-Charge ng 803rd Maneuver Company, ang mga sumuko na sina alyas “Rebo”, 27; alyas “Mefenamic”, 24 at alyas “Dave”, 21, at mga miyembro ng SQD2, FC-2, SRC EMPORIUM, EVRPC.
Ang matagumpay na pagsuko ay resulta ng patuloy na negosasyon ng mga tauhan ng 803rd Maneuver Company, RMFB 8 kasama ang 1st Northern Samar Provincial Mobile Force Company, 125SAC 12SAB PNP-SAF at Mondragon Municipal Police Station.
Samantala, ang nasabing mga surrenderees ay nasa ilalim ng pansamantalang proteksyon ng Regional Mobile Force Battalion 8, habang inihahanda ang mga kinakailangang dokumento para ma-qualify ang kanilang enrollment para sa Enhanced – Comprehensive Local Integration Programs DC at Local and Social Integration Program ng Northern Samar Provincial Government Office.
Ang kanilang pagsuko ay isang malinaw na pagpapakita sa bisa ng “Whole of the Nation Approach to End Insurgency” sa ilalim ng EO 70 na nagpapatibay sa NTF-ELCAC gayundin sa walang humpay na pagsisikap ng ating mga kapulisan.
