Bulacan – Boluntaryong nagbalik-loob sa mga awtoridad ang tatlong aktibong miyembro ng Counter Terrorist Groups (CTGs) sa City of Malolos, Bulacan nito lamang Linggo, ika-29 ng Oktubre 2023.
Pinamunuan ito ni Police Colonel Relly Arnedo, Provincial Director ng Bulacan Police Provincial Office.
Kinilala ang mga sumuko na sina “Ka Precious”, 22 anyos; “Ka Regine”, 43 anyos; at “Ka Johnssel”, 28 anyos.
Ayon sa ulat ng Bulacan PNP, ang mga dating rebelde ay dating miyembro ng Rebolusyonaryong Hukbong Bayan.
Samantala, isinuko naman ni “Ka Johnssen” ang kanyang armas na isang caliber 38 Smith and Wesson revolver, tatlong bala, damit at watawat ng Communist Party of the Philippines-New People’s Army-National Democratic Front (CPP-NPA-NDF).
Lumagda ang mga ito ng Oath of Allegiance to the Government na kung saan nagpapatunay sa pagtalikod sa mga maling gawain ng mga teroristang grupo.
Patuloy ang Bulacan PNP sa panawagan sa mga natitira pang miyembro ng CTGs na sumuko at magsimulang muli sa tulong ng E-CLIP Program para makabangon at maging maunlad sa pagsisimula ng kanilang tahimik na buhay.
Source: Bulacan Police Provincial Office Panulat ni PCpl Jeselle V Rivera
