Cotabato – Payapa at tahimik na buhay ngayon ang kinakaharap ng tatlong miyembro ng Communist Terrorist group matapos itong boluntaryong sumuko sa Cotabato PNP sa Poblacion, Makilala, Cotabato noong Disyembre 10, 2022.
Ayon kay Police Brigadier General Jimili Macaraeg, Regional Director ng Police Regional Office 12, ang mga sumuko ay dating miyembro ng komunistang grupo sa ilalim ng Guerilla Fronts 72 at 74 Far Southern Mindanao Region (FSMR), New People’s Army at pawang residente ng Brgy. Luayon, Makilala, Cotabato.
Sumuko ang mga Former Rebels (FR) dahil sa patuloy na panghihikayat at pagbibigay liwanag ng katotohanan na ang gobyerno lamang ang makakatulong sa kanilang pagkamit ng tahimik at maunlad na pamumuhay.
Naging matagumpay ang nasabing pagsuko sa tulong ng kapulisan ng 1203rd Maneuver Company, Regional Mobile Force Battalion 12 (Lead Unit) katuwang ang Makilala Municipal Police Station at iba pang kapulisan ng PRO 12.
Kasalukuyang nasa pangangalaga na ng 1203rd MC, RMFB 12 ang tatlong FR upang sumailalim sa patuloy na debriefing at paghahanda ng mga dokumento upang magkaroon ng mga benepisyong hatid ng Enhanced – Comprehensive Local Integration Program (E-CLIP) mula sa ating gobyerno.
Sa patuloy na pagbabalik-loob ng mga dating miyembro ng mga komunistang grupo ay nagpapakita lamang ng kanilang katapatan at pagtitiwala sa ating gobyerno.
Panulat ni Patrolman Khnerwin Jay A Medelin
