Calamba City, Laguna (February 21, 2022) – Naaresto ang tatlong (3) tulak ng droga sa magkahiwalay na buy-bust operation ng Calamba City Police Station (PS) noong Pebrero 21, 2022.
Naaresto ang dalawang (2) kinilalang suspek na sina Edwina Lanzanas alyas Wena, 54 anyos at residente ng Barangay Sampiruhan, Calamba City at Maria Teresa Leaño, 51 anyos at residente naman ng Brgy. Palingon, Calamba City bandang 6:28 ng hapon ng Pebrero 21, 2022 sa St. Catherine Cardinal Subdivision, Brgy. Sampiruhan, Calamba City.
Samantala, naaresto din si Gerardo Rivera, 46 anyos, tricycle driver at residente ng Brgy. San Juan, Calamba City bandang 9:02 PM ng parehong petsa sa Arambolo Compound, Brgy. San Juan, Calamba City.
Batay sa report, ang mga nakumpiska sa tatlong (3) suspek ay pitong (7) piraso ng plastik sachet ng hinihinalang shabu na may bigat na 3.5 gramo na nagkakahalaga ng Php23,800, dalawang (2) coin purse na naglalaman ng Php340 at Php200 at dalawang (2) tig Php500 na ginamit naman bilang mga buy-bust money.
Ang mga naarestong suspek ay nasa kustodiya ng Calamba City PS at nahaharap sa kasong paglabag ng Republic Act 9165 o Comprehensive Dangerous Drugs Act of 2002 habang ang mga nakuhang ebidensya ay naiturn-over na sa PNP Forensic Office para sa masusing pagsusuri.
Samantala, pinuri ni Police Colonel Rogarth Campo, Provincial Director, Laguna Police Provincial Office ang mga kapulisan ng Calamba City PS dahil sa tagumpay na pag-aresto sa mga suspek.
Hinikayat din nya ang mga ito na lalong paiigtingin ang mga operasyon laban sa ilegal na droga para mapuksa ang paglaganap sa lalawigan.
###
Panulat ni PEMS Joe Peter V Cabugon, RPCADU 4A
