Malabon City – Arestado ang tatlong lalaki sa kasong Carnapping at paglabag sa RA 10591 sa isinagawang joint simultaneous operation ng mga otoridad nito lamang Biyernes, Hulyo 22, 2022.
Kinilala ni Police Major Joselito E Quila, Deputy Chief, Regional Highway Patrol Unit – National Capital Region, ang tatlong suspek na sina Edison Toyado Tauro, 31, single at Kenneth Francisco Suazo, 35, pawang mga residente ng Catmon, Malabon City; at si Rocky Claud Rol, 37, single, residente naman ng Sitio Sampaguita, Riverside, Commonwealth, Quezon City.
Ayon kay PMaj Quila, bandang 9:30 ng umaga nang naaresto ang tatlong lalaki sa 129 Macopa Road, Potrero, Malabon ng pinagsamang tauhan ng HPG NCR at ng Land Transportation Office.
Ayon pa kay PMaj Quila, narekober sa kanila ang isang silver Suzuki Ciaz GL-AT Sedan 2019 na may Plate No.: PPW 246 na nakarehistro kay Jobhet Tongc ngunit napatunayan sa LTO 2600 text inquiry na ang nabanggit na plaka ay nakalaan sa isang Toyota Corolla.
Nakumpiska pa sa mga suspek ang isang Caliber. 380 ACP Bersa S. A. na may Serial No. 422624 na may nakakasang magazine na may 10 na bala, isang Fabrinor Vitoria (Espana) Llama Max-I 9mm Caliber na may serial No. 71-04-01099-99 na may nakakasang magazine na may siyam na bala, isang .45 Automatic Caliber Colt’s MKIV/Series 70 Govt Model na may Serial No. 3086633 na may nakakasang isang magazine na may pitong bala.
Nahaharap ang mga suspek sa kasong paglabag sa sa RA 10591 o Comprehensive Firearms and Ammunition Regulation Act, R.A. 10883 o Intensified Anti-Carnapping Operation, R.A. 10054 o Plate Spotting, R.A. 4136 o “No Plate, No Travel”, PD96, at EO297.
Hinikayat naman ng pambansang pulisya ang publiko na makipagtulungan sa mga otoridad kapag may impormasyon sakaling may maganap na parehong insidente sa kani-kanilang lokalidad.
Source: RHPU-NCR
###
Panulat ni PSMS Marisol A Bonifacio
