Muling nagpamalas ng talento ang naging pambato ng Police Regional Office 11 na si Patrolman Regner C Trobillas matapos nitong masungkit ang titulong 2nd Runner-up sa isinagawang Grand Finals ng Singing Cops of the Philippines 2024 nito lamang Setyembre 27, 2024 sa Music Museum, San Juan City.
Ang kahanga-hangang tagumpay na ito ni Patrolman Trobillas ay bunga ng kanyang pagsisikap at aktibong suporta ng buong Dabawenyos.
Ito rin ay isang malaking hakbang sa pagsulong sa kanyang hangaring magamit ang kanyang talento at kakayahan upang makatulong at makapagbigay inspirasyon sa iba higit pa sa kanyang tungkuling “to serve and protect”.
Taos-pusong binabati ng mga Dabawenyo ang karapat-dapat na pagkilala na nakamit ni Patrolman Trobillas.
Ang kanyang paglalakbay tungo sa tagumpay ay patunay na lahat ng hamon ay malalampasan kung ikaw ay may tiwala sa iyong sarili at may gawa sa iyong mga pinaniniwalaan.
Panulat ni Patrolwoman Shairra Rose A Aquino
