Bataan – Nakiisa ang 2nd Provincial Mobile Force Company, Bataan PNP sa isinagawang Coastal Clean-up Drive sa Brgy. Lamao, Limay, Bataan nito lamang Biyernes, ika-17 ng Pebrero 2023.
Pinamunuan ito ni Police Lieutenant Colonel Crizalde Conde, Force Commander ng 2nd Provincial Mobile Force Company ng Bataan Police Provincial Office.
Nakilahok din ang PNP Maritime Group, Philippine Army at Kaligkasan Warriors sa naturang paglilinis.
Nilinis at pinulot ang mga basura na nakakalat sa gilid ng dagat.
Ang naturang aktibidad ay naglalayong mapanatili ang kalinisan at kagandahan ng nasabing lugar na kaugnay sa Peace and Security Framework ng Pambansang Pulisya na M+K+K=K o ang Malasakit, Kaayusan, Kapayapaan tungo sa Kaunlaran at KASIMBAYANAN o Kapulisan, Simbahan, at Pamayanan Program.
