Palawan – Nakiisa ang mga tauhan ng 2nd Palawan Provincial Mobile Force Company sa isinagawang Medical Mission sa Barangay New Cuyo, Bayan ng Roxas, Palawan noong ika-20 ng Agosto 2023.
Ang aktibidad ay dinaluhan ng mga tauhan ng 2nd Palawan PMFC sa pangunguna ni Police Captain Benjamin Martinez, Operation Officer sa ilalim ng pamumuno ni Police Lieutenant Colonel Mhardie Azares, Force Commander.
Ang nasabing aktibidad ay pinangunahan ni Pastor Joniemar Michael Bawaan, District Pastor ng North Palawan, katuwang ang mga Medical Professionals na Filipino-Canadian mula sa Seventh-day Adventist na nakabase sa ibang bansa at sa pakikipagtulungan ng Palawan Adventist Mission at Adventist Hospital ng Palawan.
Tinatayang umabot sa 250 na bata at matanda ang nakatanggap ng mga libreng serbisyo tulad ng libreng tuli, libreng salamin sa mata, libreng konsulta at gamot.
Layunin ng programa na maipaabot ang mga libreng serbisyo lalo na sa mga higit na nangangailangang pamilya.
Panulat ni Patrolman Erwin Calaus
