Patuloy ang pagbibigay ng saya at pag-asa ng 2nd Isabela PMFC sa isinagawang Community Outreach Program para sa mga residente ng Brgy. Calaoagan, San Guillermo, Isabela nito lamang Disyembre 12, 2023.
Ito ay pinamunuan ni Police Lieutenant Colonel Avelino Canceran, Force Commander ng 2nd Isabela PMFC, kasama ang Regional Police Community Affairs and Development Unit 2, Opthalmologist na si Doktora Rizalina Sagaysay, Anti-Crime and Community Emergency Rescue Team, United Ilocandia at Sangguniang Barangay ng Calaoagan, San Guillermo.
Umabot naman sa 100 na residente ang mga naging benepisyaryo na nabigyan ng grocery packs, school supplies, tsinelas, gamot, libreng konsultasyon, reading glasses, used clothes at libreng gupit.
Bukod dito, nagsagawa din ng Feeding Activity sa pamamagitan ng pamamahagi ng food packs at ice cream na labis naman na ikinatuwa ng mga residente lalo na ang mga bata.
Layunin ng aktibidad na maipadama sa ating mga kababayan na lubos na nangangailangan ang pagkalinga at pagmamahal ng pamahalaan tungo sa isang maayos at maunlad na pamayanan.
Source: RPCADU2
Panulat ni PCpl Kelvin Paul S Juan
