Eastern Samar – Pinangunahan ng mga tauhan ng 3rd Maneuver Platoon ng 2nd Eastern Samar Provincial Mobile Force Company ang isinagawang Clean-up Drive sa Brgy. Santa Rosa, Balanggiga, Eastern Samar nitong Sabado, Pebrero 25, 2023.
Ang aktibidad ay pinangasiwaan ni Police Captain Abelardo Llanita, Acting Platoon Leader ng 3rd Maneuver Platoon sa ilalim ng pamumuno ni Police Lieutenant Colonel Rolando Dellezo, Acting Force Commander ng Eastern Samar Provincial Mobile Force Company.
Nakibahagi din sa aktibidad ang mga Barangay Officials, miyembro ng Advocacy Support Groups na Kabataan Kontra Droga at Terorismo (KKDAT) at KALIGKASAN, Force Multipliers at mga residente ng naturang barangay.
Bunga ng pagkakaisa, ay nakakalap ang grupo ng sako-sakong mga basura kabilang na rito ang mga plastic wrappers, plastic bottles, styro, at iba pa.
Patunay lamang na ang Pambansang Pulisya ay patuloy na nagsasagawa ng mga aktibidad na nakakatulong sa pagpapanatili ng kalinisan at kagandahan ng ating kalikasan na nakaangkla sa Revitalized PNP KASIMBAYANAN o Kapulisan, Simbahan at Pamayanan.
