Pormal na iginawad ng National Police Commission (NAPOLCOM) ang CSOP MARKER sa 2nd Cagayan Provincial Mobile Force Company bilang pagkilala sa kanilang natatanging tagumpay na nakamit ang 2nd place sa National Level ng Best Practice Award sa ilalim ng Project TULAY AKO (Tubig at Ilaw Alay sa Mamamayan Ayudang Pangkabuhayan Ora Mismo) sa Barangay Curva, Pamplona, Cagayan nito lamang ika-20 ng Hulyo 2024.
Ang parangal na ito ay iginawad ni Dir. Ramon Rañeses, MNSA CESO IV, Regional Director ng NAPOLCOM. Naging saksi rin sa makasaysayang okasyon ang mga miyembro ng Company Advisory Group, mga Provincial Officers at iba pang opisyales ng NAPOLCOM.
Ayon kay Police Lieutenant Colonel Darwin Jhon B Urani, Force Commander ng 2nd CPMFC, taos puso ang kanyang pasasalamat sa paggawad ng nasabing parangal na simbolo ng tunay at kalidad na serbisyo publiko na patuloy na isinusulong ng kapulisan sa kanilang nasasakupan.
Ang nasabing parangal ay patunay lamang na sa bawat hakbang tungo sa pagbabago at kaunlaran ay simula ng ating malasakit at pagkakaisa para sa isang bagong Pilipinas.
Source: 2nd Cagayan Provincial Mobile Force Company
Panulat ni Pat Desiree Canceran
