Patuloy na tinutupad ng 2nd Cagayan Provincial Mobile Force Company ang “Project Wiskolar: Piso para sa Kinabukasan mo” ang pangarap ng mga Kabataang Cagayano na makapagpatuloy sa kanilang pag-aaral.
Nagbibigay ng boluntaryong kontribusyon ang mga kapulisan ng nasabing yunit at nadadagdagan ng suporta mula sa kanilang Advisory Council na siyang itinutulong nila upang natustusan ang mga pangangailangan sa pag-aaral ng mga iskolar.
Ayon kay Police Major Jefferson D Mukay, Force Commander ng 2nd Cagayan PMFC, ang Project Wishkolar ay higit pa sa simpleng programa, ito ay simbolo ng pag-asa at pagbabago.
Sa kasalukuyan, sampung benepisyaryo ang natutulungan ng nasabing proyekto kabilang ang apat na kabataang Agta.
Inaasahan na ngayong taon, dalawa sa mga iskolar ay magtatapos na sa kolehiyo at ang isa naman ay sa Grade 12.
Inilunsad ang Project Wishkolar noong Oktubre 2023 at hanggang ngayon ay patuloy itong nakakatulong sa mga kabataang salat man sa yaman ngunit puno ng pangarap sa buhay.
Source: 2nd Cagayan PMFC
