Ginawaran ng parangal ang 2nd Abra Provincial Mobile Force Company (PMFC) ng Bureau of Fisheries and Aquatic Resources-Cardillera (BFAR-CAR) na idinaos sa Brgy. Guisad Central, Baguio City nito lamang Setyembre 29, 2023.
Pinagkaloob ni Ms.Lilibeth Signey, Regional Director ng BFAR-CAR at mga stakeholders kay Police Lieutenant Colonel Dickson Banes, Force Commander ng Abra 2nd PMFC, ang “Gawad Parangal sa mga Kabalikat ng Pangisdaan” kasabay sa isinagawang closing ceremony ng 60th Fish Conservation Week ng BFAR-CAR.
Ang parangal ay pagkilala sa natatanging paggawa ng 2nd Abra PMFC sa kanilang dedikasyon at kontribusyon sa pangangalaga at pag-unlad ng fisheries sector.
Gayundin sa kanilang pag-agapay, pagbibigay seguridad, pamamahagi ng mga fingerlings sa mga benepisyaryo at sa iba pang mga programa ng BFAR-CAR.
Samantala, nagpasalamat naman si PLtCol Banes sa BFAR-CAR at mga stakeholders at siniguro na patuloy ang kanilang operasyon kontra sa ilegal na pangingisda sa Abra River at magsasagawa ng mga clean-up drive para mapangalagaan ang ilog.
