General Santos City – Tumanggap ng 27 na kahon na naglalaman ng iba’t ibang klase ng damit ang 1205th Maneuver Company, Regional Mobile Force Battalion 12 mula sa SM General Santos City noong Martes, Abril 12, 2022.
Malugod na tinanggap ng 1205th MC sa pamumuno ni PMaj Davis Dulawan, Company Commander ang nasabing donasyon galing sa SM GenSan.
Ayon kay PMaj Dulawan, ang nasabing donasyon ay ipapamahagi sa panahon ng pagsasagawa ng Community Outreach Program at iba pang kaugnay na aktibidad para sa mga residente ng kanilang nasasakupan.
Tiniyak naman ng PNP na maihahatid ito sa mga residente na lubos na nangangailangan sa pinakamadaling panahon.
###
Panulat ni Patrolman Khnerwin Jay A Medelin
