Camp BGen Simeon A. Ola, Legaspi City – Nasakote ang 261 na mga Most Wanted Persons sa inilunsad na one-time-big-time operation ng Police Regional Office 5 (PRO5) sa ilalim ng Simultaneous Anti-Criminality Law Enforcement Operations (SACLEO) nito lamang Martes, Agosto 30, 2022.
Ang one-time-big-time operation ay isinagawa upang tugisin at arestuhin ang mga indibidwal na nagtatamasa ng kanilang kalayaan sa likod ng kanilang ginawang krimen at pagkakasala sa batas.
Sa mga naaresto na Most Wanted Persons, 35 mula sa Albay, 30 mula sa Camarines Norte, 75 mula sa Camarines Sur, 11 mula sa Catanduanes, 61 mula sa Masbate, 42 mula sa Sorsogon at 7 mula sa Naga City.
Kabilang sa mga naaresto ay ang pitong miyembro ng Communist Terrorist Group sa lalawigan ng Masbate at isa naman ay mula sa probinsya ng Sorsogon.
Bukod pa rito, sa isinagawang kampanya laban sa ilegal na droga, dalawang matagumpay na operasyon ang inilunsad ng PRO5 na nagresulta sa pagkakaaresto sa dalawang tulak ng droga at pagkakasamsam sa mahigit na 111 na gramo ng hinihinalang shabu na
may tinatayang halaga na Php743,000.
Sa pagpapatupad ng Search Warrant, naaresto ang isang indibidwal sa Ligao City, Albay sa kasong paglabag sa RA 10591 o ang Illegal Possession of Firearms and Ammunition. Narekober mula sa suspek ang isang yunit ng .38 caliber na walang serial number at siyam na live ammunition para sa nasabing kalibre ng baril.
Pinuri ni Police Brigadier General Rudolph B. Dimas, Regional Director ng PRO5 ang mga operating teams sa matagumpay na operasyon na nagresulta sa pagkakaaresto sa mga suspek at mga akusado.
“These notable scores on our anti-criminality operations emanated from the painstaking efforts of our personnel who without any hesitations always offer the best of them. Rest assured that we, as your KASUROG cops shall remain firm and centered to the goals to truly providing the Bicolano a safer and more peaceful community for everyone”, pahayag ni PBGen Dimas.
Source: KASUROG Bicol
Panulat ni Pat Rodel Grecia
