Tinatayang 25 na mga akusado ang naaresto sa magkahiwalay na operasyon ng Laguna PNP sa buong probinsya nito lamang Huwebes, Enero 19, 2023.
Ayon kay Police Colonel Randy Glenn Silvio, Acting Provincial Director, Laguna Police Provincial Office, nagsagawa ng 25 na operasyon ang pulisya ng Laguna PNP na nagresulta sa pagkakahuli ng siyam na Most Wanted Persons at 16 na iba pa kabilang isang National Most Wanted Person na may reward na nagkakahalaga ng Php140,000, isang Regional MWP, dalawang Provincial MWP, at lima naman ang City at Municipal MWP.
“Ang warrant day po ng Laguna PPO ay isang paraan para mabilis mahuli ang mga nagtatago sa batas sa suporta at tulong ng ating mga kababayan sa mga impormasyon na kanilang binibigay ay mabilis natutukoy ng ating mga kapulisan ang pinagtataguan ng mga akusadong ito,” ani PCol Silvio.
Panulat ni PEMS Joe Peter Cabugon/RPCADU 4A
