Arestado ang isang lalaki sa kasong Rape sa ikinasang operasyon ng pulisya sa BIO HOGS, Lower Cabuay, Sinawal, General Santos City nito lamang Lunes, Hunyo 10, 2024.
Kinilala ni Police Brigadier General Percival Augustus P Placer, Regional Director ng Police Regional Office 12, ang suspek na si alyas “Junjun”, 25 anyos, laborer at kasalukuyang nakatira sa nabanggit na lugar.
Ayon kay PBGen Placer, bandang 9:24 ng umaga nang isagawa ang operasyon ng Regional Intelligence Unit 12 at General Santos City Mobile Force Company sa bisa ng Warrant of Arrest para sa kasong Rape na walang inirekomendang piyansa.
Samantala, patuloy ang layunin ng pulisya na panagutin sa batas ang mga taong may sala upang mabigyan ng hustisya ang mga biktima at mapanatiling payapa at maayos ang ating komunidad.
Panulat ni Pat Flora Mae Asarez
