Timbog ang 218 indibidwal sa ikinasang one week law enforcement operation ng Police Regional Office 10 mula Setyembre 15 – 19, 2024 at nasamsam ang tinatayang Php2.6 milyong halaga ng shabu.
Ayon kay Police Brigadier General Jaysen C De Guzman, Acting Regional Director ng PRO 10, sa 83 operasyon kontra droga, 98 indibidwal ang arestado at may kabuuang 390.469 gramo ng shabu at 81.50 gramo ng marijuana na may kabuuong halaga na Php2,664,99.20 ang nasabat.
Sa operasyon konta ilegal na sugal naman ay tatlong operasyon ang naisagawa na nagresulta sa pagkakaaresto ng 12 indibidwal at nasa Php3,260 halaga ang gambling items ang nakumpiska.
Sa implementasyon naman ng Warrant of Arrest, 98 indibidwal ang arestado, 18 dito ang Most Wanted Persons at 80 naman ang other wanted person.
Sa operasyon kontra loose firearms (Kontra Boga) 22 operasyon ang isinagawa, 10 ang nakuhanan ng mga loose firearms kabilang ang 58 small arms at 3 light weapons.
Nasa kabuuang 422 house visitation ang naisagawa na nagresulta sa boluntaryong pagsurrender ng 4 firearms para sa safe keeping.
“Under my leadership, we will continue to enforce the law without fear or favor, ensuring that justice is served across all sectors. I call on the public to stand with us in this fight. Let us work together to create a safer place to live, work, and do business,” saad ni PBGen Guzman.
