Valenzuela City — Masiglang isinelebra ng mga tauhan ng Valenzuela City Police Station ang pagdiriwang ng 2023 National Women’s Month na may temang “WE for Gender Equality and Inclusive Society” na ginanap sa THOA Covered Court, Gen T De Leon, Valenzuela City nito lamang umaga ng Biyernes, Marso 3, 2023.
Ang naturang aktibidad ay dinaluhan ng mga “policewomen” mula sa istasyon sa pangunguna ni Police Major Gina Parinas, Chief, SCAS kasama si Police Captain Jocelyn C Ebora, OIC ng WCPD sa ilalim ng pangangasiwa ni Police Colonel Salvador Destura Jr, Chief of Police ng Valenzuela CPS.
Aktibong nakiisa din ang mga babaeng OJT students mula sa Our Lady of Lourdes College kasama ang Zumbastic Ladies ng Barangay Gen. T De Leon ng Valenzuela City sa isinagawang “ZumVAW”.
Naglalayon ang selebrasyon na ito na isulong ang pantay-pantay na karapatan para sa mga kababaihan upang maipakita ang malaking papel sa ating lipunan.
Source: WCPD Valenzuela
Panulat ni PSSg Remelin M Gargantos
