Pinangunahan ni Police Colonel Leo Pamittan, Acting Provincial Director ng Negros Occidental Police Provincial Office ang pagdaraos ng Kick-off Ceremony para sa 2022 Children’s Month na may temang “Kalusugan, Kaisipan at Kapakanan ng Bawat Bata Ating Tutukan!” na ginanap sa Camp Alfredo M Montelibano Sr,. Brgy. Estefani, Bacolod City nitong ika-7 ng Nobyembre 2022.
Ang naturang aktibidad ay taunang pagdiriwang na naglalayong bigyan ang mga batang Pilipino na makaranas ng isang malusog na kapaligiran, magandang edukasyon, at pangangalagang pangkalusugan.
Binigyan din ng pagkilala ang apat na istasyon sa lalawigan ng Neg Occ. para sa huwarang pagganap bilang Best Women’s and Children Protection Desk na may pinakamataas na bilang ng nakasampang mga kaso simula Oktubre 2021 hanggang Oktubre 2022, at ito ay ang Sagay CCPS, Silay CCPS, Talisay CCPS at ang EB Magalona MPS.
Samantala, nakatanggap din ng pagkilala ang Bago CPS at Hinigaran MPS bilang Best PCR sa pagtatatag ng “Adopt Scholar Program”.
Naging bahagi din ng programa ang recital ng Panatang Makabata sa pangunguna ni Trizthan Josh Echano, Grade 7 Student ng Abkasa Elementary School.
Dumalo rin bilang panauhing pandangal at tagapagsalita si Gng. Dionela F Madrina ng Talisay City CSWDO at binigyang diin ang kakanyahan ng buong buwang pagdiriwang ng Children’s Month, “To help those children who experienced different abuses and maltreatment will be the focused on this celebration”, aniya.
Patuloy naman ang NOCPPO at Provincial Women’s and Children Protection Desk sa pamumuno ni Police Major Aireen C Sing Benco para sa pagsasagawa ng mga serye ng mga programa at aktibidad na magtataguyod ng kapakanan at proteksyon ng mga kabataan sa Negros Occidental.
