Umabot sa 200 na katutubo ang nabigyan ng tulong ng PRO3 Officers’ Ladies Club sa isinagawang BARANGAYanihan sa Capas, Tarlac noong ika-16 ng Oktubre ng taong kasalukuyan.
Patuloy ang pag-abot ng Police Regional Office 3 sa mga mamamayan na labis na naapektuhan ng pandemya sa pamamagitan ng programang BARANGAYanihan na pinangunahan ni PBGen Valeriano T De Leon, Regional Director katuwang ang PRO3-OLC sa pangunguna naman ni Mrs. Maggie De Leon at Capas Mayor Rey Catacutan ang pamimigay ng mga relief packs sa mga residente ng nasabing lugar.
Pagkatapos ng aktibidad na ito ay nagtungo rin si PBGen De Leon sa SM City Pampanga Terminal upang mamigay ng mga food packs sa mga drayber ng sasakyan katuwang ang Lions Club International na pinangungunahan ni Mr. Ding Oroza.
“We were able to give relief packs to our indigents and the public transport sector. In these trying times, the bayanihan spirit must be inculcated to every Filipino’s heart. We must show compassion to those in need and help without expecting anything in return,” pahayag ni PBGen De Leon sa patuloy na pagtulong ng pamunuan ng Police Regional Office 3 sa mga mamamayan ng Central Luzon.
#####
Article by Patrolwoman Maria Elena S Delos Santos
