Nabigyan ng tulong at ayuda ang mga residente ng Barangay Pagalungan, Cagayan de Oro City sa isinagawang Localized Duterte Legacy: BARANGAYanihan Caravan noong Nobyembre 13, 2021.
Kasama ng mga Kapulisan ng Cagayan de Oro City Police Office, sa pamumuno ni PCol Aaron M Mandia, ang mga ahensya at pribadong grupo upang maghatid ng tulong at serbisyo publiko. Ilan dito ang DOLE-X, PDEA-X, TESDA, CSWD, LGU-Cagayan de Oro, NHA, DENR/CENRO, TASK FORCE ORO-PA, BFP, CDRRMO-CDO, PRO 10 Medical at Dental Team, Barangay Pagalungan Local Government Unit, COCPO Command Group and Advocacy Support Group Force Multipliers tulad ng KUSGAN VOLUNTEERS INC., ORO BARANGAY TANOD, at ACCERT CDO.
Mainit ang pagtanggap ng Barangay sa pangunguna ni Punong Barangay, Honorable Rene Oporto, sa programang naglalayong madala ang mga serbisyo at legasiya ng pamahalaan sa mga Barangay. Namahagi ng 450 food packs and mga PNP, PDEA-X at City Social Welfare and Development/LGU-CDO.
Samantala, ang Regional Medical and Dental Unit ng Police Regional Office 10, na pinangunahan ni PLtCol Ma. Imelda Serrano, Chief, RMDU, ay nagsagawa ng libreng tuli para sa 30 kabataan. Nagkaroon din ng libreng bunot ng ngipin, libreng check-up at pamimigay ng mga gamot at bitamina sa mga residente. Sinabayan rin ng PDEA-X ang pagsasagawa ng maikling pagtuturo ng Drug Addiction at ng masamang epekto nito sa utak ng tao.
Gayundin, ang NHA at DOLE-X ay nagbigay ng impormasyon ukol sa housing program, paggawa, at trabaho sa lungsod. Namigay naman ang CLENRO-CDO ng mga pananim na gulay para sa urban garden ng mga residente.
Ang mga Lingkod Bayan Advocacy Support Groups naman ay namahagi ng lugaw sa lahat na dumalo sa aktibidad na inorganisa ng Higalang Pulis – Cagayan de Oro City Police Office.
Source: PMAJ EVAN NEQUINTO VIÑAS PIO, COCPO
######
Panulat ni: NUP Sheena Lyn M Palconite
Godbless Cagayanos?
God job