Iloilo City – Kasabay ng pagdiriwang ng araw ng mga puso ay 20 na couples ang ikinasal sa simbahan ng Camp General Martin Teofilo Delgado Iloilo City sa Police Regional Office 6 nitong ika-14 ng Pebrero 2023.
Ang mga ikinasal ay miyembro ng Police Regional Office 6 na kung saan ay nabigyan sila ng pagkakataon upang maikasal sa simbahan.
Ang seremonya ay pinangunahan ni Police Lieutenant Colonel Mark Virgil Ibardoloza, PRO6 Pastoral Officer.
Ang mass wedding ay inorganisa at inisyatibo ng PRO6 Officers Ladies Club sa pangunguna ni Misis Pinky Lyn Francisco na masugid namang dinaluhan ni Misis Mary Grace Azurin at ng mga personnel ng Police Regional Office 6 sa pangunguna ni Police Brigador General Leo M Francisco.
Ang naturang seremonya ay isang malaking tulong sa mga civilly married couples na matupad ang kanilang pangarap na maikasal sa loob ng simbahan na sumisimbulo ng isang matibay at sagradong pangako ng pag-iisang dibdib ng mag-asawa.
Lubos naman ang pasasalamat ng mga ikinasal sa inisyatibo ng Police Regional Office 6.
