Ilocos Sur – Arestado ng pulisya ang dalawang lalaking Wanted Person ng Cabugao, Ilocos Sur sa kasong Murder nito lamang ika-20 ng Enero 2023.
Kinilala ni Police Major Juan Jhayar Maggay, Hepe ng Cabugao Municipal Police Station, ang suspek na sina alyas Marino, 63 at alyas Marty, 46, kapwa residente ng Barangay Arnap Cabugao, Ilocos Sur.
Ayon kay PMaj Maggay, bandang 10:30 ng umaga nang naaresto ang mga suspek sa Barangay Rizal, Cabugao, Ilocos Sur ng mga operatiba ng Cabugao Municipal Police Station katuwang ang 1st Ilocos Sur Provincial Mobile Force Company, Provincial Intelligence Unit- ISPPO at Cabugao Maritime Police Precinct.
Naaresto ang mga suspek sa bisa ng Warrant of Arrest sa kasong Murder na walang rekomendadong piyansa.
Patuloy ang PNP sa pagpapaigting ng kampanya laban sa mga taong may pananagutan sa batas para sa tahimik at ligtas na pamayanan.
Source: Cabugao MPS
Panulat ni PSSg Carmela G Danguecan
