Leyte – Nasakote ang dalawang drug pusher sa isinagawang buy-bust operation ng Leyte PNP at PDEA 8 sa Brgy. Tambuko, Burauen, Leyte, nito lamang Agosto 6, 2023.
Kinilala ni Police Major Ariel Salarda, Acting Chief of Police ng Burauen MPS, ang mga suspek na si Jefferson, 25, residente ng Brgy. Tambuko, Burauen, Leyte at si Mark, 31, residente ng Brgy. San Pablo, Burauen, Leyte.
Bandang 11:15 ng gabi ng ikasa ang operasyon ng pinagsanib na pwersa ng mga tauhan ng Burauen Municipal Police Station, Leyte PPO PDEU, PDEA 8 LPO at PDEA 8 RSET na nagresulta sa pagkakakumpiska ng hinihinalang shabu mula sa mga suspek na tumitimbang ng 13 gramo at nagkakahalaga ng Php74,000.
Mahaharap ang mga suspek sa kasong paglabag sa Sec. 5 at 11 ng Art. II ng RA 9165 o Comprehensive Dangerous Drugs Act of 2002.
Tinitiyak naman ng PNP at PDEA sa publiko na patuloy ang kanilang Anti-Illegal Drugs Operation sa pagsugpo sa ilegal na droga sa kanilang nasasakupan tungo sa mas ligtas at maayos na pamayanan.
