Tiklo ang dalawang suspek sa ikinasang entrapment operation ng mga awtoridad na nagresulta sa pagkakarecover ng carnap na motorsiklo sa Purok 13, Behind Village, Brgy. Maria Cristina, Iligan City nito lamang ika-20 ng Disyembre 2023.
Kinilala ni Police Colonel Reinante Delos Santos, City Director ng Iligan City Police Office, ang dalawang suspek na 23 at 33 anyos, online seller at pawang mga residente ng Barangay Bangco, Marawi City, Lanao del Sur.
Dakong 10:30 ng umaga nang ikasa ang entrapment operation sa pinagsanib na pwersa ng Regional Special Operation Unit 10 kasama ang General Santos City Police Station 3 at Iligan City Police Station 2 na nagresulta sa pagkakadakip ng dalawang suspek.
Sa naturang operasyon ay matagumpay na narekober ang isang motorsiklo na Yamaha NMAX kulay gray at isang Yamaha Aerox na kulay itim.
Ang matagumpay na pagkakaaresto sa mga suspek ay isang patunay sa epektibong pagganap ng pulisya ng kanilang mandato na hulihin at tugisin ang masasamang loob na nagkasala sa batas
