Laguna – Arestado ang dalawang lalaking suspek sa hijacking incident sa isinagawang dragnet at follow-up operation ng Laguna PNP nito lamang Miyerkules, Hunyo 23, 2022.
Kinilala ang mga suspek na sina Franks Magpale Quiros, lalaki, 32, single, driver, residente ng P2, Buenavista, Gen Trias Cavite at Mario Alejandro Aguilar, 27, single, walang trabaho, residente ng Layuman, Binangonan, Rizal.
Bandang 11:40 ng gabi nahuli ang mga suspek sa Nia Road Sitio Balakbakan, Brgy. Niugan, Cabuyao City, Laguna ng pinagsamang puwersa ng Cabuyao City Police Station, Calamba City Police Station, at PHPT-Laguna.
Batay sa imbestigasyon, bandang 10:55 ng gabi nang nangyari ang insidente ng robbery hijacking sa kahabaan ng Tarikan, Nia Road Brgy. Sala kung saan isang biktima na kinilalang si Jeffrey Ramirez Parungaw, 41, single, driver, native at residente ng Sitio Maunawain, Brgy. Duhat, Sta Cruz, Laguna.
Dito nagsagawa ng follow-up operation ang mga operatiba sa pangunguna ni PMaj Jonathan Victor M Olvena, Provincial Officer, nadakip nila ang dalawang suspek at dinala sa Cabuyao City Police Station.
Ang PNP ay hindi titigil upang hulihin ang mga taong nagkasala sa batas at bigyan ng hustisya ang mga taong kanilang naging biktima.
Source: Laguna PNP
###
Panulat ni PSMS Marisol A Bonifacio
