Arestado sa buy-bust operation ang dalawang (2) suspek na sangkot sa gunrunning activities sa Bel-Air, Makati City noong Oktubre 23, 2021.
Kinilala ang mga suspek na sina Huang Sia (Jason Lee), isang Chinese national; at Raffy Ballera, alyas “Ivan”.
Matagal nang minamanmanan ng mga operatiba ang mga suspek dahil sa iligal na pagbebenta ng mga baril.
Nakatanggap ng impormasyon ang Northern Police District na ang dalawa ay may gagawing transaksyon sa Makati City kung kaya’t nakipagtulungan sila sa Makati City Police Station upang magkasa ng buy-bust operation laban sa mga suspek na nagresulta sa kanilang pagkakadakip.
Nakuha mula kay Ballera at Huang Sia ang apat (4) na baril na nagkakahalaga ng Php400,000; sigarilyo na naglalaman ng Php5,000 halaga ng hinihinalang cocaine; at shabu na may presyong Php20,400.
Nahaharap ang mga suspek sa kasong paglabag sa Republic Act 10591 o Comprehensive Law on Firearms and Ammunition; at Republic Act 9165 o Comprehensive Dangerous Drugs Act of 2002.
#####
Article by Police Corporal Josephine T Blanche
