Cotabato City (February 22, 2022) – Dalawa ang sugatan matapos pagbabarilin pasado alas diyes ng gabi, Pebrero 22, 2022 sa Brgy. Rosary Heights 7 at Brgy. Rosary Heights 9, Cotabato City.
Kinilala ang mga biktima na sina Hubert Concepcion, 20 anyos, isang studyante at si Fitzgerald Patagan, 29 anyos, isang dance instructor na parehong mga residente ng nasabing lugar.
Ayon sa report, nakatayo lang ang mga biktima sa labas ng kanilang bahay ng biglang pagbabarilin ng hindi pa nakikilalang mga suspek, samantala sugatan naman ang Commander ng Police Station 2 na si PMaj Elexon Bona at mga bystander matapos magkaroon ng palitan ng putok sa panig ng mga operatiba ng PS2 at mga suspek sa kanilang isinagawang Hot Pursuit Operation.
Ayon naman sa mga saksi, ang insidente ay nag-ugat sa hindi pagbabayad ng pustang umaabot ng Php15,000 sa isang online games na Mobile Legends pero ayon kay PMaj Bona, hindi pa malinaw kung ano ang dahilan ng pamamaril.
Samantala, isa naman ang inaresto ng mga awtoridad matapos makuhanan ng hindi lisensyadong baril habang mahigit sampung katao ang nabagansya para sa beripikasyon sa nakumpiskang baril.
Inaalam na ng mga awtoridad kung ang ginamit sa pamamaril sa Brgy Rosary Heights 9 ay tugma sa nakuhang baril kay Haider Sakandal na ngayon ay nasa kustodiya na ng Police Station 2.
###
Panulat ni Pat Mark Vincent Valencia
Good job sa mga pulis natin