Leyte – Arestado ang dalawang indibidwal sa isinagawang buy-bust operation ng Tacloban City PNP sa Brgy. 95-A Caibaan, Tacloban City nitong ika-31 ng Mayo 2023.
Kinilala ni Police Colonel Michael Palermo, City Director ng Tacloban City Police Office, ang mga naaresto na sina alyas “Mercy”, 60, may asawa, self-employed at residente ng Brgy. 95-A Caibaan, Tacloban City, Leyte at alyas “Maria”, 34, binata, dating OFW at residente ng Brgy. 95-A Caibaan, Tacloban City, Leyte na parehas na nasa listahan ng PNP bilang mga Street Level Individual (SLI).
Bandang 1:15 ng hapon nang isinagawa ang operasyon ng mga operatiba ng TCPO-City Drug Enforcement Unit sa pangunguna ni Police Captain Rey Baldicano Jr at sa koordinasyon ng PDEA 8.
Ang mga nasamsam na ilegal na droga sa mga suspek ay may timbang na humigit kumulang 5 gramo na may tinatayang market value na Php34,000.
Mahaharap ang mga nahuling suspek sa kasong paglabag sa Sec. 5 at 11 sa ilalim ng Art. ll ng R.A. 9165 o Comprehensive Dangerous Drugs Act of 2002.
Ang Tacloban City PNP ay patuloy sa pagpapaigting ng mga operasyon kontra ilegal na droga para sa kaligtasan ng mamamayan tungo sa mapayapa at maunlad na komunidad.
