Iloilo City – Tiklo ang dawalang SLI sa isinagawang buy-bust operation ng Station Drug Enforcement Team ng Iloilo City Police Station 4 at Iloilo City Drug Enforcement Unit sa Zone 1-A Brgy. San Juan, Molo, Iloilo City, noong Hunyo 20, 2023.
Kinilala ni Police Captain Benjie Dicen, Officer-in-Charge ng Molo PNP, ang dalawang nahuli na sina alyas “Apple”, 36, at si alyas “Nonoy”, 29, pawang mga residente ng Brgy. San Juan, Molo sa nabanggit ng syudad.
Ayon kay PCpt Dicen, nakuha mula sa dalawa ang tinatayang 12 gramo ng pinaniniwalaang shabu na may Standard Drug Price na Php81,000.
Ayon pa kay PCpt Dicen, halos isang linggong isinailalim ang mga subject person bago ang matagumpay na operasyon.
Nahaharap ngayon ang dalawa sa kasong paglabag sa R.A. 9165 o ang Comprehensive Dangerous Drugs Act of 2002.
Ang pagkakahuli sa mga suspek ay resulta ng mas pinaigting na kampanya kontra ilegal na droga ng Iloilo City PNP upang tuluyang masawata ang mga taong gumagamit at nagbebenta ng ilegal na droga sa syudad.
