Trending at pinapurihan sa social media ang mga pulis sa Lanao Del Norte matapos nilang tulungan ang isang buntis na maipanganak ng malusog ang sanggol nito sa loob ng isang palikuran sa Kauswagan, Lanao del Norte noong Setyembre 11, 2021.
Papunta sana ang buntis sa Rural Health Unit ng Kauswagan nang datnan siya ng panganganak sa palikuran katabi ng Kauswagan Municipal Police Station.
Maswerte naming nakahingi ito ng tulong mula sa Kauswangan MPS kung kaya’t agad namang rumesponde sina Police Corporal Arturo Quitoras at Patrolwoman Clare Aboc upang tulungan ang buntis.
Agad namang dinala ang mag-ina sa Municipal Health Unit para sa karagdagang medical na atensyon.
