Tiklo ang dalawang newly identified drug personality sa isinagawang buy-bust operation ng mga operatiba ng Valencia City PNP sa Barangay Dagatkidavao, Valencia City, Bukidnon nito lamang Hunyo 19, 2024.
Kinilala ni Police Lieutenant Colonel Mithchel C Clemencio, Hepe ng Valencia City Police Station, ang dalawang suspek na sina alyas “Renren”, 28 anyos, residente ng Quezon, Bukidnon at alyas “Jboy”, 24 anyos na residente ng Valencia City.
Bandang 2:40 ng hapon nang ikasa ang operasyon ng mga operatiba ng Valencia City Police Station – City Drug Enforcement Unit na nagresulta sa pagkakaaresto sa dalawang suspek at pagkakakumpiska ng mga pakete ng hinihinalang shabu na may kabuuang bigat na 7.3 na gramo at may street value na Php49,640 at isang Php500 bill na ginamit bilang buy-bust money.
Nahaharap ang dalawang suspek sa kasong paglabag sa Republic Act 9165 o Comprehensive Dangerous Drugs Act of 2002.
Ang pagkakadakip ng suspek ay bunga ng walang humpay na kampanya kontra ilegal na droga ng Valencia City PNP upang panatilihing ligtas at payapa ang nasasakupang komunidad.
