Laguna – Arestado sa magkahiwalay na manhunt operation ng mga miyembro ng Calamba City PNP at San Pablo City PNP ang dalawang Most Wanted Persons ng Laguna nito lamang Nobyembre 13, 2023.
Kinilala ni Police Colonel Harold Depositar, Officer-In-Charge, Laguna Police Provincial Office, ang mga suspek na sina alyas ‘’Dalmacio” at alyas “John”.
Naaresto si alyas “Dalmacio” sa ganap na 3:20 ng hapon sa Brgy. Bañadero, Calamba City, Laguna ng mga operatiba ng Calamba Component City Police Station sa bisa ng Warrant of Arrest sa kasong Acts of Lasciviousness na may inirekomendang piyansa na Php200,000.
Samantala, naaresto naman si alyas “John” ng mga tauhan ng San Pablo City Police Station sa ganap na 7:58 ng gabi sa Barangay V-C, San Pablo City, Laguna sa bisa ng Warrant of Arrest sa kasong Qualified Theft (33 counts) na may inirekomendang piyansa na aabot sa Php30,000 bawat bilang.
Pahayag ni PCol Depositar, “Patuloy ang Laguna PNP sa pagtugis sa mga nagtatago sa batas at hindi titigil sa paggawa ng mga operasyon para mabigyan ng hustisya ang kanilang mga naging biktima.”
Source: Laguna Police Provincial Office
Panulat ni Police Staff Sergeant Donabel T Dulin
