Talakag, Bukidnon – Arestado ang dalawang miyembro ng Local Armed Group na “Panonggo Criminal Group” sa isinagawang operasyon sa Sitio Kalyosan, Brgy. Basak, Talakag, Bukidnon nito lamang Hulyo 31, 2022.
Kinilala ni Police Colonel Jun Mark Lagare, Provincial Director ng Bukidnon Police Provincial Office, ang mga naarestong suspek na si Saaduding Panonggo, 37, residente ng Brgy. Basak, Talakag, Bukidnon at Allan Panonggo, 31, residente ng Sitio Kalyosan, Brgy. Basak, Talakag, Bukidnon.
Ayon kay PCol Lagare, dakong 5:00 ng umaga nadakip sa nasabing lugar sa magkasabay na paghahain ng Search Warrant sa paglabag sa RA 10591 o Comprehensive Law on Firearms and Ammunition Act na walang inirekomendang piyansa.
Ang nasabing operasyon ay sa pangunguna ng Regional Special Operation Unit 10, Talakag Municipal Police Station, Provincial Intelligence Unit, 1st and 2nd Provincial Mobile Force Company-Bukidnon Police Provincial Office, 1004th at 1003rd Regional Mobile Force Company, 13th Special Action Company-Special Action Force, 1st Special Force Battalion, Regional Intelligence Unit 10 at Regional Explosive and Canine Unit.
Nakumpiska sa operasyon ang isang M14 Rifle, isang M16 Rifle, tatlong long steel magazine ng M16, 18 short steel magazine ng M14, apat na live rifle grenade, 230 rounds ng 5.56 ammunitions, 56 rounds ng 7.63 ammunitions, tatlong bandolier, isang lower camouflage, dalawang pares ng military combat boots, isang red flag at isang Philippine Flag.
Ang Bukidnon PNP ay hindi titigil sa paghuli sa mga taong lumalabag sa batas at patuloy na pananatilihin ang kapayapaan at katahimikan sa probinsyang nasasakupan.
###
Patrolman Joshua Fajardo/ RPCADU 10
