Indanan, Sulu – Boluntaryong sumuko ang dalawang miyembro ng Abu Sayaff Group sa mga otoridad dahil sa isinagawang intel driven operation sa Brgy. Pasil, Indanan, Sulu noong Hulyo 26, 2022.
Kinilala ni PMaj Edwin Sapa, Chief of Police, Indanan Municipal Police Station, ang mga sumuko na sina alyas “Pids”, 21 at alyas “Nasir”, 23 na residente ng Brgy. Sawaki, Indanan, Sulu.
Napadali ang pagsuko ng dalawang miyembro ng Abu Sayaff Group dahil sa isinagawang intel driven operation ng Indanan MPS at 41st Infantry Battalion ng Philippine Army sa pamumuno ni LtCol James Irestious Cagni, Commanding Officer, 41st IB.
Kasabay ng kanilang pagsuko ay ang pagsuko din nila ng kanilang mga armas na isang M14 rifle, isang magazine at isang tube M203 grenade launcher.
Pormal namang iniharap kay Hon. Hermot Jikiri Municipal Mayor at Chairman ng MTF-ELCAC ang mga sumuko para isailalim sa Localized Social Integration Program.
Labis naman ang pasasalamat ng PNP at AFP sapagkat padami ng padami ang nagbabalik loob sa pamahalaan para mamuhay ng matiwasay at magbagong buhay.
###
Panulat ni Patrolman Mark Vincent Valencia
