Malabon City — Arestado ang dalawang lola matapos mahulihan ng tinatayang Php104,040 halaga ng shabu sa isinagawang buy-bust operation ng mga tauhan ng Malabon City Police Station nito lamang Biyernes, Marso 10, 2023.
Kinilala ni PBGen Ponce Rogelio Peñones Jr., District Director ng Northern Police District, ang dalawang lola na sina alyas “Tom”, 61, alyas “Merlin”, 57, pawang mga residente ng Brgy. Longos, Malabon City.
Ayon kay PBGen Peñones Jr, dakong 11:10 ng gabi nang maaresto ang dalawa sa kahabaan ng Hito Street corner Halan Street sa Brgy. Longos ng mga operatiba ng Station Drug Enforcement Unit (SDEU) Malabon CPS.
Nakumpiska sa mga suspek ang apat na piraso ng heat-sealed transparent plastic sachet na naglalaman ng hinihinalang shabu na may kabuuang timbang na humigit kumulang 15.3 gramo na may Standard Drug Price na Php104,040; isang tunay na Php500; at isang bulaklakin na coin purse.
Ang mga naarestong suspek ay mahaharap sa kasong paglabag sa RA 9165 o mas kilala bilang Comprehensive Dangerous Drugs Act of 2002.
Patuloy na paiigtingin ng Northern Police District ang kampanya kontra ilegal na droga sa mga nasasakupang lungsod upang isulong ang isang maayos, ligtas at drug-free na komunidad.
Source: NPD PIO
Panulat ni PSSg Remelin M Gargantos
