Tagoloan, Misamis Oriental – Arestado ang dalawang lalaking naaktuhang nagpa-pot session ng Tagoloan PNP nito lamang Huwebes, Mayo 26, 2022.
Kinalala ni Police Colonel Raniel Valones, Provincial Director ng Misamis Oriental Police Provincial Office, ang dalawang suspek na sina Archie C. Papasin, 32 at Marlon V. Superable, 47, pawang mga residente ng Zone 1, Gracia, Tagoloan, Misamis Oriental.
Ayon kay PCol Valones, dakong 11:30 ng gabi naaresto ang mga suspek na naaktuhan na nagpa-pot session sa Sugbongcogon, Tagoloan, Misamis Oriental na kinalaunan ay nadiskubre ng mga otoridad na may dalang baril.
Ayon pa kay PCol Valones, narekober sa dalawang suspek ang ilegal na baril na Caliber .38 na may tatlong live ammunitions; dalawang unsealed sachets; dalawang heat-sealed sachets na hinihinalang shabu na may timbang na .6 gramo.
Ang dalawang suspek ay mahaharap sa kasong R.A 10591 o Comprehensive Law on Firearms and Ammunition Act at R.A 9165 o Comprehensive Dangerous Drugs Act of 2022.
Ang PNP ay patuloy ang paglaban sa kriminalidad at ilegal na droga para makamit ang ligtas at mapayapang komunidad.
###
Panulat ni Joshua Fajardo/ RPCADU 10
